بقلم :-المهندس عبد البديع سعد

فال خير يا ولد فال

- خير اللهم اجعله خير

- شفت يا عم عبده… لقيت ولد فال داخل علينا… قلت خير يا ولد فال… أنت إيه جابك… ودخلت إزاى.

- قال سمعت عنك قلت أزوركم وأطمن عليكم وأقولكم شدو حليكم… هانت..هانت قوى

- قلت فيك الخير يا ولد فال…أنت دره على صدورنا يا ولد فال

أنت سوار ذهب ثانى يضئ شمعه من الأمل فى حياتنا…  محاضر محمد ، حسن نصر الله، أحمدى نجاد، إسماعيل هنية… نقاط ضوء تحاول تبديد الظلام الحاسم على صدورنا… مادام فيه عرق ينبض… وعدت بتسليم السلطة للرئيس الذى ينتخبه الشعب، ووفيت بوعدك … وذهبت إلى بيتك قانع وراضى بما فعلت… ونعم ما فعلت وعقبال ولد الشيخ لما يوفى بوعده هو كمان ويبر بقسمه ويحترم الدستور ولا يعدله لصالحه… ياه .. أنا عارف إن اللى عملته لا يروق لكثير من الحكام وخصوصاً فى منطقتنا العربية وأنهم فى انتظار فشل التجربة وسوف يسعوا لإفشالها… أوعى تعملها يا ولد الشيخ… أو تخيب أمل شعوب المنطقة فيك وفى الشعب المريتانى العظيم… عارف يا ولد فال … بيقولوا إن الشعوب مش قادرة تستوعب حكايه الديمقراطية … مع إن الأنظمة هى سبب تخلفنا وهى اللى مش قادرة تستوعب ما يحدث فى مريتانيا كان بودى إن الحكام العرب يكونوا فى مقدمة حضور حفل تنصيب ولد الشيخ… لكن كيف والأمور عندكم تسير على غير هواهم - عندكم العسكر يسلمون السلطة ويذهبون إلى حماية الوطن من أى عدوان خارجى يهدده … وعندنا يحال أبناء الوطن الأوفياء والشرفاء والمخلصون إلى المحاكم العسكرية … عندكم يقسم ولد الشيخ على أن يحترم الدستور ولا يعدله … وعندنا تعدل الدساتير لتوريث الحكم للأبناء…. عارف يا ولد فال عندنا فى مصر الأطفال اللى راحوا ماليزيا فى مسابقة الذكاء طلعوا من الأوائل، والعلماء اللى شاركوا فى مسابقة أفضل 500 بحث على مستوى العالم الاسلامى  والتى قام بها معهد أمريكى حققوا المركز الثالث والأبحاث المصرية حققت المركز الأول ، ناهيك عن أحمد زويل وفاروق الباز ومجدى يعقوب ، وفى نفس الوقت إحنا حققنا صفر فى الكرة وصفر فى الجامعات وصفر فى الديمقراطية ، والأصفار بتتوالى علينا ، إنت عارف ليه يا ولد فال كل ده بسبب الاستبداد وكبت الحريات على الرغم من وجود كل مقومات النجاح والتقدم بدليل أطفالنا فى ماليزيا وأبحاث علمائنا ، …

يعنى أى عزف منفرد بينجح لكن المشكلة فى المنظومة والميستروا … طبعاً استحالة العزف المنفرد يصنع حضارة فى ظل التكتلات ، مش مودينا ورا إلا سياسة (ما أريكم إلا ما أرى)

يا سيدى إن لم تكن ترى فدعنا نرى…. وقمت مفزوع لقيت الفجر بقول لا إله إلا الله.

- رد عم عبده قال ياريت تتغطى حلو قبل ما تنام.